«Ուսումնասիրում ենք խուճապը» նախագիծ

• Համացանցից օգտվելով` գտնում ենք խուճապ բառի բացատրությունները, հոմանիշները, օտար լեզուներում առկա տարբերակները`օգտվելով տարբեր օնլայն բառարաններից:
• Գտնում ու հավաքում ենք նաև տեղեկություններ խուճապ երևույթի մասին: Գտնում ենք, թե հոգեբանությունն ինչպես է այն բացատրում:
• Ամենակարևորները ներկայացնում ենք տեսանյութում, որն ավարտում ենք հետևյալ խոսքերով`«Ապրե՛ք առանց խուճապի և հիշեք`խուճապը կարող է ավելի մեծ ավերածություններ պատճառել, քան բուն աղետը»:
  Բացատրությունը-Մեկին կամ շատերին միաժամանակ տիրող հանկարծական անհաղթահարելի երկյուղ, տագնապ:
  Խուճապ հոմանիշներ-Տագնապ, շփոթություն, իրարանցում,
  Թարգմանություն-Паника, alarm
  Դարձվածքներր-Խուճապ գցել, Խուճապ ընկնել, խուճապ տիրհել

Երբեմն կյանքում տեղի են ունենում այնպիսի իրադարձություններ, որոնք ստիպում են մեզ հայտնվել խուճապային դրության մեջ։ Այդ ժամանակ բանականությունը սկսում է նահանջել, մարմինը չի ենթարկվում, և նույնիսկ մտքերը սկսում են հոսել։ Խուճապային իրավիճակներում մարդը կորցնում է ինքնակառավարումը, տագնապը ոչնչացնում է գիտակցությունը՝ արգելափակելով առողջ մտածելու կարողությունը։
Ինչպե՞ս հաղթահարել տագնապներն ու անհանգստությունները։

Կենտրոնացում զգացողությունների վրա

Այս մեթոդն օգնում է շեղել ուշադրությունը սեփական զգացողություններից՝ գտնվելով «այստեղ» և «հիմա»։ Դրա համար անհրաժեշտ է կենտրոնանալ սեփական գործողությունների ու զգացմունքների վրա։ Երբ զգում եք տագնապային իրավիճակների մոտալուտ վտանգը, ապա հանեք գրպանից լավ հիշողություններ արթնացնող Ձեր ամենասիրելի իրը։
Մշտապես ունեցեք հաճելի բույրով օծանելիք կամ եթերային յուղեր։ Դրանք հիանալի միջոց են անհանգստությունն ու տագնապային պահերը ոչնչացնելու համար։ Գիտակցաբար կատարված աշխատանքը ևս օգնում է հաղթահարել նման իրավիճակները։ Կարելի է թեյ պատրաստել՝ հետևելով Ձեր յուրաքանչյուր շարժումին։ Կենտրոնացեք բույրի, ամեն մի ումպի, բաժակը բռնելու ձևի և այլ մանրուքների վրա։
Գիտակցությունը պետք է ամբողջությամբ խորասուզվի ներկայի մեջ, ինչի շնորհիվ հնարավոր կլինի խուսափել անհանգստություններից։

Ուշադրությունը կենտրոնացնել շրջակա միջավայրի վրա

Եթե դժվարությամբ եք կենտրոնանում ինքներդ Ձեր ու Ձեր գործողությունների վրա, ապա ուշադրությունը կարող եք շեղել դեպի շրջապատող աշխարհը՝ փորձելով զերծ մնալ տագնապալի մտքերից։
Զբաղվեք որևէ ակտիվ ու Ձեզ հոգեհարազատ աշխատանքով։ Մի դեպքում կարող է լինել սպորտը, մյուս դեպքում՝ ընթերցանությունը և այլն։
Դուրս նայեք պատուհանից, ընտրեք որևէ հետաքրքիր օբյեկտ ու սկսեք ուսումնասիրել այն։ Հետաքրքիր միջոց է նաև խաղ-փնտրտուքը։ Օրինակ, կարո՞ղ եք սենյակում գտնել կանաչ շրջանաձև իրեր և այլն։

Տագնապների նվազեցում շնչառության միջոցով

Ներքին լարվածությունը կարելի է վերացնել մկանային հյուսվածքները ժամանակին թուլացնելու դեպքում։ Խորը շնչեք ու արտաշնչեք, այնուհետև փորձեք շնչել որովայնով։ Դա օգնում է վերացնել բոլոր բացասական զգացմունքներն ու տագնապները։
Եթե նման իրավիճակներին Ձեր կողքին կա մտերիմ անձնավորություն, ապա խնդրեք նրան գրկել Ձեզ։ Եթե խուճապը պատել է նաև երեխային, ապա փորձեք շփել ձեռքերը՝ վերականգնելով մարմնի ջերմությունն ու վերացնելով տագնապները։
Իհարկե, այս քայլերն օգնում են ոչ թե ամբողջությամբ ազատվելու խնդիրներից, այլ հեռացնելու բացասական էներգիան և բացի այդ, ուժ են հաղորդում, որպեսզի շարունակեք ապրել ու գործել։